ఇదీ ఓ స్టార్‌ హీరోయిన్‌ జీవితం

హృతిక్‌ సరసన కహోనా ప్యార్‌ హై చిత్రంలో నటించాల్సింది. కానీ బెబో కరీన అభిషేక్‌ బచ్చన్‌ సరసన 'రెఫ్యూజీ'లో నటించింది. అదే తనకి తొలిసినిమా. హృతిక్‌ సినిమా బ్లాక్‌ బస్టర్‌ హిట్‌ కొడితే, అభిషేక్‌ సినిమా అట్టర్‌ ఫ్లాపైంది. అయితే ఈ ఫలితం బెబో జీవితాన్ని తలకిందులు చేయలేదు. దాదాపు 15ఏళ్ల కెరీర్‌ సాగించింది. కెరీర్‌ లో పీక్స్‌ చూసింది. టాప్‌ 1 హీరోయిన్‌ గా నీరాజనాలు అందుకుంది. ఇప్పటికీ కెరీర్‌ పరంగా ఢోకా లేని హీరోయిన్‌ గా కొనసాగుతోంది.

బెబో ఇప్పటికే ఇద్దరు హీరోలతో ఎఫైర్‌ సాగించిందన్న వార్తలున్నాయి. కెరీర్‌ ఆరంభమే హృతిక్‌ రోషన్‌ తో ఎఫైర్‌ సాగించిందని వార్తలొచ్చాయి. ఆ తర్వాత కుర్రహీరో షాహిద్‌ కపూర్‌ తో చాలా కాలం ఎఫైర్‌ సాగించింది. ఆ క్రమంలోనే షాహిద్‌ వేరే భామతో ప్రేమాయణం నడిపించడంతో బెబో మనసు విరిగిపోయి ప్రేమలకు దూరంగా ఉండిపోయింది. కాలక్రమంలోనే సీనియర్‌ హీరో సైఫ్‌ అలీఖాన్‌ తో ప్రేమలో పడింది. ఆ ప్రేమ శాశ్వతబంధంగా మారింది. ఇద్దరూ పెళ్లి చేసుకుని సంసార జీవనాన్ని సాగిస్తున్నారు. ఇప్పుడు తన వయసు 34. రెఫ్యూజీ లో కనిపించినప్పుడు ఎలా ఉందో ఇప్పుడు కూడా అలానే ఉంది. అయితే ఈ గ్లామర్‌ సీక్రెట్‌ కూడా బెబో చెప్పింది.. నిత్యం సూర్య నమస్కారాలు చేయడమే. 50 సూర్య నమస్కారాలు ఏకధాటిగా చేసేస్తుంది.. అదీ టాప్‌ సీక్రెట్‌.

అసలు కరీనాకి ఆ పేరెలా వచ్చింది? అని అడిగితే కరీనా తల్లి బబితాకపూర్‌ గర్భిణిగా ఉన్నప్పుడు 'అన్నా కరెనినా' అనే నవల చదివారు. అందులో నాయిక పేరు కరెనినా. ఆ పేరునే కూతురికి పెట్టేసుకుంది. అలా కరీన పేరు పెట్టారన్నమాట. ఇంట్లో అంతా బెబో అని పిలుస్తారు కాబట్టి అదే పేరు సెట్స్‌ లోనూ అలవాటై చివరికి బెబో కరీనగా పాపులర్‌ అయ్యిందన్నమాట!