Begin typing your search above and press return to search.

అవును.. రోబో-2 కోసం అడిగారు-కమల్

By:  Tupaki Desk   |   26 May 2016 5:52 PM GMT
అవును.. రోబో-2 కోసం అడిగారు-కమల్
X
అసలు ‘రోబో’ సినిమాను ముందు అనుకున్నది కమల్ హాసన్ తోనే. ఆయనతో శంకర్ ఫొటో షూట్ చేసిన సంగతి కూడా అందరికీ తెలుసు. కమల్ హాసన్+రోబో అని గూగుల్ లో కొడితే ఆ ఫొటో షూట్ కు సంబంధించిన ఫొటోలు కూడా కనిపిస్తాయి. ఐతే అనివార్య కారణాల వల్ల శంకర్ కమల్ తో ఆ సినిమాను తెరకెక్కించలేకపోయాడు. తర్వాత షారుఖ్ ఖాన్ ను సంప్రదించి.. అతను కాదన్నాక రజినీ దగ్గరికి వచ్చాడు. వీళ్లిద్దరి కాంబినేషన్లో వచ్చిన ‘రోబో’ ఇండియన్ ఫిలిం హిస్టరీలోనే ఓ ప్రత్యేకమైన సినిమాగా నిలిచిపోయింది. ఇప్పుడు ‘రోబో-2’తో మరోసారి సెన్సేషన్ క్రియేట్ చేయడానికి రెడీ అవుతున్నాడు శంకర్.

‘రోబో’ను కమల్ తో చేయలేకపోయినా.. రోబో-2లో ఆయన్ని నటింపజేయడానికి శంకర్ ప్రయత్నించినట్లుగా ఆ మధ్య వార్తలొచ్చాయి. కమల్ ను విలన్ రోల్ కు అడిగినట్లు కూడా చెప్పుకున్నారు. ఐతే రజినీ సినిమాలో కమల్ విలన్ గా చేయడమేంటి అని ఈ వార్తల్ని కొట్టిపారేశారు చాలామంది. ఐతే ఇప్పుడు కమలే స్వయంగా చెబుతున్నాడు.. తనను రోబో-2 కోసం అడిగారని. ఐతే రజినీతో తనకున్న ఓ ఒప్పందం వల్ల ఈ సినిమాలో నటించలేకపోయానని కమల్ వెల్లడించాడు. రజినీ.. తాను ఒకప్పుడు చాలా సినిమాలు చేశామని.. ఐతే తర్వాత విరామం వచ్చిందని.. ఆ సమయంలో తామిద్దరం మళ్లీ కలిసి నటించాల్సి వస్తే ఇద్దరిలో ఒకరు నిర్మాతగా ఉండాలని.. అలాంటపుడే తమ కాంబినేషన్ తెరమీదికి రావాలని ఇద్దరూ ఒప్పందం చేసుకున్నారట. ఐతే ‘రోబో-2’ నిర్మాతలు బయటివాళ్లు కావడంతో తాను ఆ సినిమా చేయలేదని అన్నాడు కమల్.