ఆ రోజు నలుగురికి బ్రేక్ కావాలి.. రావాలి..

సెప్టెంబర్ 9న ఏయే సినిమాలు రిలీజవుతాయో ఇంకా ఫిక్సవ్వలేదు. మొన్నటివరకు ఈడు గోల్డ్ ఏహా.. ప్రేమమ్.. ఇంకొక్కడు సినిమాలు రిలీజవుతాయి అనుకున్నారు కాని.. వారిలో కొందరు వెనక్కెళితే కొందరు సైలెంట్ అయ్యారు. అయితే అనూహ్యంగా ''జ్యో అచ్యుతానంద'' సినిమా మాత్రం ఆ రోజు వచ్చేస్తున్నట్లు డేట్ ప్రకటించేశారు. ఎలాగో 'జనతా గ్యారేజ్‌' 1న రిలీజవుతోంది కాబట్టి.. 9న వచ్చే ఈ సినిమాకు ధియేటర్ల కొరత ఉండదులే. కాకపోతే ఈ సినిమా హిట్టవ్వడం చాలా ముఖ్యం.

ఈ మధ్య కాలంలో ఆయన స్వయంగా ప్రొడ్యూస్ చేసిన సినిమాలు ఒక్కటి కూడా హిట్టవ్వలేదు. అందుకే ఈ జ్యో అచ్యుతానంద సినిమా హిట్టవ్వడం సాయి కొర్రపాటికి ఎంతో అవసరం. అదే విధంగా ఇప్పటివరకు ఎన్ని సినిమాలు చేసినా కూడా డస్కీ బ్యూటి రెజీనా సూపర్ స్టార్లెట్ స్టాటస్ మాత్రం రావట్లేదు. ఒక్కటైనా సరైన హిట్టు పడితేనే ఆ రేంజ్ వచ్చేది. అందుకే ఈ సినిమా ఆడటం రెజీనాకు చాలా ముఖ్యం. కొత్తల్లో డిఫరెంట్ స్టోరీలతో అలరించిన నారా రోహిత్ ఇప్పుడు మాత్రం వరుసగా కమర్షియల్‌ సినిమాలతో ఈ ఏడాది మూడుసార్లు దెబ్బతిన్నాడు. అందుకే ఈ రొమాంటిక్ ఎంటర్టయినర్ తో తన క్రేజ్ ను డబుల్ చేసుకోవాలి. ఇక శ్రీనివాస్ అవసరాల ఇచ్చిన ఊహలు గుసగుసలాడే బ్రేక్ ను సరిగ్గా వాడుకోలేక చతికిలపడుతున్నాడు నాగ శౌర్య. అందుఏ మనోడికి కూడా ఈ సినిమా హిట్టవ్వడం చాలా ముఖ్యం.

ముఖ్యంగా సెప్టెంబర్ 9న ఈ నలుగురికీ బ్రేక్ కావాల్సిందే. ఇప్పటికే టీజర్లతో బాగా ఆకట్టుకోవడం.. సినిమా మ్యూజిక్ కూడా వినసొంపుగా ఆహ్లాదకరంగా ఉండటంతో ఖచ్చితంగా హిట్టు రావల్సిందే అంటున్నారు అభిమానులు. వెయిట్ అండ్ సీ.