Begin typing your search above and press return to search.
ఎన్టీఆర్ సింగింగ్ సెన్సేషన్
By: Tupaki Desk | 28 July 2016 9:24 AM GMTయంగ్ టైగర్ ఎన్టీఆర్ లో బోలెడన్ని కళలున్నాయి. ఆయన ఎంత మంచి నటుడో - అంత మంచి డ్యాన్సర్ కూడా. ఎంత బాగా డ్యాన్స్ వేస్తాడో అంత బాగా పాడతాడు కూడా. అందుకే పలువురు సంగీత దర్శకులు ఎన్టీఆర్ తో పాట పాడించడానికి ప్రయత్నిస్తుంటారు. కీరవాణి - దేవిశ్రీప్రసాద్ - తమన్ తదితర సంగీత దర్శకులంతా ఎన్టీఆర్ తో పాట పాడించి సంతోషించినవాళ్లే. ఆయన గాన కళ ఈమధ్య పొరుగు భాషలకీ పరిచయమవుతోంది. ఇటీవలే కన్నడ సూపర్ స్టార్ పునీత్ రాజ్ కుమార్ నటించిన ఓ చిత్రం కోసం గెలయా గెలయా అనే పాట పాడి అదరగొట్టాడు.ఆ పాట కన్నడలో సూపర్హిట్టయ్యింది.
అలాగే నాన్నకు ప్రేమతోలో కూడా ఇటీవల ఫాలో ఫాలో ఫాలో యు అంటూ పాట పాడి అభిమానుల్ని అలరించిన విషయం తెలిసిందే. ఎన్టీఆర్ పాడిన ఈ రెండు పాటలకీ అవార్డులొచ్చాయి. ఆయన్ని సింగింగ్ సెన్సేషన్ గా మార్చాయి. ప్రతి యేటా మిర్చి మ్యూజిక్ అవార్డ్స్ జరగుతుంటాయి. ఈ యేడాది కూడా సౌత్ పరిధిలో నిన్ననే మిర్చి మ్యూజిక్ అవార్డ్స్ జరిగాయి. అందులో పాటలు పాడిన స్టార్స్ కి `స్టార్ యాజ్ ఎ సింగింగ్ సెన్సేషన్` పేరుతో పురస్కారాన్ని అందజేస్తుంటారు. దానికింద ఎన్టీఆర్ కి రెండు పురస్కారాలొచ్చాయి. యంగ్ టైగర్ మరిన్ని పాటలు పాడి అదరగొట్టడానికి ఇంతకంటే గొప్ప ప్రోత్సాహం మరేముంటుంది?!
అలాగే నాన్నకు ప్రేమతోలో కూడా ఇటీవల ఫాలో ఫాలో ఫాలో యు అంటూ పాట పాడి అభిమానుల్ని అలరించిన విషయం తెలిసిందే. ఎన్టీఆర్ పాడిన ఈ రెండు పాటలకీ అవార్డులొచ్చాయి. ఆయన్ని సింగింగ్ సెన్సేషన్ గా మార్చాయి. ప్రతి యేటా మిర్చి మ్యూజిక్ అవార్డ్స్ జరగుతుంటాయి. ఈ యేడాది కూడా సౌత్ పరిధిలో నిన్ననే మిర్చి మ్యూజిక్ అవార్డ్స్ జరిగాయి. అందులో పాటలు పాడిన స్టార్స్ కి `స్టార్ యాజ్ ఎ సింగింగ్ సెన్సేషన్` పేరుతో పురస్కారాన్ని అందజేస్తుంటారు. దానికింద ఎన్టీఆర్ కి రెండు పురస్కారాలొచ్చాయి. యంగ్ టైగర్ మరిన్ని పాటలు పాడి అదరగొట్టడానికి ఇంతకంటే గొప్ప ప్రోత్సాహం మరేముంటుంది?!