Begin typing your search above and press return to search.

నాలుగు గుర్రాలపై చరణ్ స్వారీ

By:  Tupaki Desk   |   28 Nov 2018 6:48 AM GMT
నాలుగు గుర్రాలపై చరణ్ స్వారీ
X
మెగా పవర్ స్టార్ రామ్ చరణ్ తేజ్ రంగస్థలం ఇండస్ట్రీ హిట్ తర్వాత కొత్త ఉత్సాహంతో కనిపిస్తున్నాడు. రిస్క్ అనిపించే ఎప్పుడో 80 దశకం నాటి బ్యాక్ డ్రాప్ లో చేసినా నాన్ బాహుబలి క్యాటగిరీలో అది నిలవడంతో ఫ్యాన్స్ కూడా ఆ విజయానందాన్ని బాగా ఎంజాయ్ చేసారు. నిజానికి చరణ్ పైకి కనిపించేది ఎలా ఉన్నా లోపల మాత్రం విపరీతమైన ఒత్తిడిని బాలన్స్ చేస్తున్నాడన్న మాట వాస్తవం. కాస్త డిటైల్డ్ గా చూస్తే దీనికి క్లారిటీ వచ్చేస్తుంది.

వినయ విధేయ రామ షూటింగ్ ఇంకా పూర్తి కాకుండానే ఆర్ ఆర్ ఆర్ కోసం తారక్ తో కలిసి రాజమౌళి మల్టీ స్టారర్ యాక్షన్ సీక్వెన్స్ కోసం చెర్రి బిజీగా మారిపోయిన సంగతి తెలిసిందే. ఆ ఎపిసోడ్ పూర్తి కాగానే తిరిగి వచ్చి వినయ విధేయ రామ ఐటెం సాంగ్ పూర్తి చేయాలి. దాని తర్వాత కొంత గ్యాప్ దక్కినా రాజమౌళి ఎక్కువ రోజులు ఖాళీగా ఉండనివ్వడు. ఇది నాణేనికి ఒక వైపు.

ఇక మరో కోణంలో చూస్తే నిర్మాతగా రామ్ చరణ్ ఇంతకింతా అనిపించే క్లిష్టమైన బాద్యతలు మోస్తున్నాడు. నాన్న చిరంజీవి హీరోగా అత్యంత భారీ బడ్జెట్ తో రూపొందుతున్న సైరా షూటింగ్ పీక్స్ లో ఉంది. కొణిదెల బ్యానర్ పై రూపొందుతున్న ఈ సినిమాకు బడ్జెట్ మంచి నీళ్ళలా ఖర్చవుతోంది. ఇంకా షూటింగ్ చాలా బాలన్స్ ఉంది. పాటల చిత్రీకరణ మొదలుపెట్టలేదు. దీనికి సంబంధించిన వ్యవహారాలన్నీ చరణ్ చూసుకోవాలి.

మరోవైపు కొరటాల శివ దర్శకత్వంలో చిరు చేయబోయే 152 కోసం బ్యాక్ గ్రౌండ్ లో స్క్రిప్ట్ వర్క్ తో పాటు ప్రీ ప్రొడక్షన్ కూడా జరుగుతోందట. అంటే మొత్తం నాలుగు సినిమా బాధ్యతలు చరణ్ మోస్తున్నాడు. రెండు హీరోగా రెండు నిర్మాతగా దేనికవే క్రేజీ ప్రాజెక్ట్స్ కావడంతో ఇంత ప్రెజర్ ని ఎలా తట్టుకుంటున్నాడో అంటున్నారు ఫ్యాన్స్. చిరు కూడా ఇంత మల్టీ టాస్కింగ్ చేయలేదని ఈ విషయంలో మాత్రం చెర్రి ఒక అడుగు ముందే ఉన్నాడని చెప్పొచ్చు.