హైపర్ ఆది ప్రపోజ్ చేశాడుగా!!

Wed Feb 14 2018 23:00:41 GMT+0530 (IST)

సినిమాల్లో నటిస్తేనే ఈ రోజుల్లో స్టార్స్ అయిపోవడం లేదు. వారి టాలెంట్ ను ఏ విధంగా బయటపెట్టుకున్నా మంచి గుర్తింపు తెచ్చుకుంటున్నారు. ముఖ్యంగా రియాలిటీ షోలలో కామెడీ చేస్తూ.. ఈ మధ్య ఎంతో మంది బుల్లి తెరపైనే సూపర్ స్టార్స్ గా ఎదిగిపోతున్నారు. అలాంటి వారిలో హైపర్ అది ఉన్నాడని స్పెషల్ గా చెప్పనవసరం లేదు. జబర్దస్త్ షో ద్వారా మంచి పాపులారిటీని సంపాదించుకున్న ఆది ఈ మధ్య సోషల్ మీడియాలో కూడా పాపులారిటీని బాగా సంపాదించుకుంటున్నాడు.



సినిమాల్లో ఇప్పుడిప్పుడే అవకాశాలను కూడా అందుకుంటున్నాడు. ఇక అసలు విషయానికి వస్తే.. రీసెంట్ గా అది సోషల్ మీడియాలో పోస్ట్ చేసిన ఒక ఫొటో ఇంటర్నెట్ లో తెగ వైరల్ గా మారింది. ఈ వాలెంటైన్స్ డే సందర్భంగా మనోడు ఒక అమ్మాయికి ప్రపోజ్ చేస్తూన్నట్లు కనిపించాడు. అయితే ఆ ఫొటో ఈ రోజుది అనుకుంటే పొరపాటే. ఆది తొలిప్రేమ సినిమాలో నటించిన సంగతి అందరికీ తెలిసిందే..అయితే ఫారిన్ లో షూటింగ్ జరిగినపుడు అక్కడ ఓ అమ్మాయితో కలిసి లవర్ బాయ్ లా స్టిల్ ఇచ్చాడు.

ఇక ఆ ఫొటోను పోస్ట్ చేస్తూ..అందరికి హ్యపీ వాలెంటైన్స్ డే.. స్ప్రెడ్ లవ్ అంటూ మెసేజ్ ఇచ్చాడు ఆది. దీంతో ఫాలోవర్స్ ఆ ఫొటోపై చాలా పాజిటివ్ గా కామెంట్ చేస్తున్నారు. ఆధికి పంచులతో పాటు ప్రపోజ్ చేయడం కూడా వచ్చే..అని ఎవరి స్టైల్ లో వారు కామెంట్స్ చేస్తున్నారు.