Begin typing your search above and press return to search.
మూవీ రివ్యూ : గౌతమీపుత్ర శాతకర్ణి
By: Tupaki Desk | 12 Jan 2017 6:57 AM GMT
చిత్రం : ‘గౌతమీపుత్ర శాతకర్ణి’
నటీనటులు: నందమూరి బాలకృష్ణ - శ్రియ సరన్ - హేమమాలిని - కబీర్ బేడి - మిలింద్ గుణాజీ - ఫరా కరిమి - తనికెళ్ల భరణి - శుభలేఖ సుధాకర్ తదితరులు
సంగీతం: చిరంతన్ బట్
ఛాయాగ్రహణం: జ్నానశేఖర్
మాటలు: సాయిమాధవ్ బుర్రా
నిర్మాతలు: సాయిబాబా జాగర్లమూడి - రాజీవ్ రెడ్డి
రచన - దర్శకత్వం: క్రిష్
గౌతమీపుత్ర శాతకర్ణి.. తెలుగు పరిశ్రమలో పది నెలలుగా తీవ్ర చర్చనీయాంశమవుతున్న సినిమా. ప్రారంభోత్సవం జరుపుకున్న నాటి నుంచి జనాల్లో విపరీతమైన ఆసక్తి రేకెత్తిస్తూ.. ఎప్పటికప్పుడు కళ్లు చెదిరే ప్రోమోలతో ఆసక్తిని మరింత పెంచుతూ వచ్చిన ఈ చిత్రం ఎట్టకేలకు వెండితెరను తాకింది. మరి నందమూరి బాలకృష్ణ-క్రిష్ కలిసి చేసిన ఈ బృహత్తర ప్రయత్నం ఎలా ఉందో చూద్దాం పదండి.
కథ:
రాజులు.. రాజ్యాలు.. యుద్ధాలకు సంబంధించి అమ్మ చెబుతున్న కథ వింటూ.. ముక్కలు ముక్కలుగా ఉన్న భరత ఖండాన్ని ఏకం చేయాలని చిన్నతనంలోనే దృఢ నిశ్చయానికి వస్తాడు శాతకర్ణి. ఇక రాజ్యాధికారం చేపట్టగానే తన లక్ష్యాన్ని నెరవేర్చుకునే దిశగా అడుగులు వేస్తాడు. ముందు దక్షిణ భారతాన్ని గెలిచి.. ఆపై ఉత్తర భారతంపైకి దండెత్తుతాడు. ఈ క్రమంలో తన కొడుకు ప్రాణాలకే ముప్పు వాటిల్లినా.. తన భార్య నుంచి వ్యతిరేకత ఎదురైనా వెనక్కి తగ్గడు. మొత్తం దేశాన్ని వశం చేసుకున్నాక పరాయి దేశస్థుల నుంచి శాతకర్ణికి సవాలు ఎదురవుతుంది. మరి ఈ సవాలును శాతకర్ణి ఎలా ఛేదించాడు. రణరంగంలో ఎలా విజేతగా నిలిచాడు అన్నది మిగతా కథ.
కథనం-విశ్లేషణ: ‘గౌతమీపుత్ర శాతకర్ణి’ ఆరంభ సన్నివేశంలో ఒక సంభాషణ ఎలా సాగుతుందో చూద్దాం. తన పరాక్రమాన్ని గౌరవించి రాజ్యాన్ని అప్పగించమంటూ శాతకర్ణి పంపిన వర్తమానాన్ని అవతలి రాజుకు అందిస్తాడు దూత. అవతలి రాజుకు పౌరుషం వస్తుంది. దూతను ఉద్దేశించి ‘‘నిన్ను బంధిస్తే’’ అంటాడు అవతలి రాజు. ‘‘వారొస్తారు. నేను కారాగారంలో ఎదురు చూస్తుంటా’’ అని బదులిస్తాడు దూత. వెంటనే ‘‘నిన్ను వధిస్తే’’ అంటూ రెట్టించి అడుగుతాడు అవతలి రాజు. ‘‘మీరొస్తారు. నేను కాటికాడ ఎదురు చూస్తుంటా’’ అంటాడు దూత. ఈ సంభాషణతోనే అర్థమైపోతుంది ‘గౌతమీపుత్ర శాతకర్ణి’ స్థాయి ఏంటో!
ఇది ఏ వర్గం ప్రేక్షకులకు నచ్చుతుంది.. ఎంత వసూలు చేస్తుంది.. ఏ స్థాయి విజయం సాధిస్తుంది.. ‘గౌతమీపుత్ర శాతకర్ణి’ విషయంలో ఇలాంటి లెక్కలన్నీ పక్కనబెట్టేయాలి. చిత్ర బృందం ముందు నుంచి నొక్కి వక్కాణిస్తున్నట్లుగా ఇది తెలుగు వారు గర్వించే చిత్రం అనడంలో సందేహం లేదు. విజువల్ గ్రాండియర్.. ఎఫెక్ట్స్.. నిర్మాణ విలువలు.. లాంటి అంశాల్లో ‘బాహుబలి’ కంటే వెనుక ఉండొచ్చు కానీ.. విషయ ప్రధానంగా చూస్తే మాత్రం ‘బాహుబలి’ కంటే మిన్నగా ‘గౌతమీపుత్ర శాతకర్ణి’ ఉందంటే అతిశయోక్తి లేదు. అంత గొప్పగా.. సిన్సియర్ గా ఈ కథను తెరకెక్కించాడు క్రిష్. శాతకర్ణి పాత్రకు తాను తప్ప ఇంకెవరూ ఊహలోకి కూడా రాని స్థాయిలో అద్భుత అభినయం ప్రదర్శించాడు బాలకృష్ణ. ఈ ఇద్దరూ కలిసి చేసిన మహా ప్రయత్నానికి హ్యాట్సాఫ్ చెప్పాల్సిందే.
గొప్ప చరిత్ర.. నేపథ్యం ఉన్న శాతకర్ణి కథను రెండుం పావు గంటల్లో క్రిష్ ఎలా చెప్పాడా అని సందేహం కలగొచ్చు. ఐతే శాతకర్ణి కథ అనగానే పుట్టుక.. బాల్యం.. యవ్వనం.. రాజుగా ఆధిపత్యం.. చరమాంకం అంటూ చాలా అధ్యాయాలు చూపించే ప్రయత్నం చేయకుండా కేవలం అతడి లక్ష్యం.. ఆ దిశగా పోరాటం.. ఈ నేపథ్యంలోనే కథను నడిపించాడు క్రిష్. ఈ విషయంలో అతడికి ఎంత స్పష్టత ఉందో ప్రతి సన్నివేశంలోనూ కనిపిస్తుంది. నేరుగా దక్షిణ భారతాన్ని గుప్పెట్లోకి తెచ్చుకునే ఘట్టంతోనే శాతకర్ణి పరిచయ దృశ్యాన్ని ఆవిష్కరించాడు క్రిష్. ఆ తర్వాత మొత్తం భారతాన్ని తన చేతుల్లోకి తెచ్చుకోవడం.. చివరగా పరదేశీయులతో పోరాడి గెలవడంతో కథ ముగిసిపోతుంది. ఈ మధ్యలో సొంత కొడుకునే రణరంగంలోకి తీసుకెళ్లడం.. భార్యే శాతకర్ణితో తీవ్రంగా విభేదించడం.. ఈ నేపథ్యంలో భావోద్వేగాల నడుమ కథ నడుస్తుంది. సినిమాలో ప్రతి సన్నివేశం కూడా శాతకర్ణి లక్ష్యంతో ముడిపడే ఉంటాయి. దాన్నుంచి క్రిష్ ఎక్కడా డీవియేట్ కాలేదు.
శాతకర్ణికి యుద్ధ సన్నివేశాలే బలం.. బలహీనత. తనకున్న బడ్జెట్ పరిమితుల్లోనే ఆ సన్నివేశాల్ని అద్భుతంగా తీర్చిదిద్దాడు క్రిష్. ‘బాహుబలి’లో లాగా కళ్లు చెదిరిపోయేలా చేయకున్నా.. ఈ సన్నివేశాలు ఉన్నత ప్రమాణాలతోనే ఉండి మెప్పిస్తాయి. కానీ సినిమాలో సగానికి పైగా నిడివి యుద్ధ సన్నివేశాలతోనే నిండిపోవడంతో ఓ దశలో మొహం మొత్తేసిన భావనా కలుగుతుంది. కొన్ని సన్నివేశాలు రిపీటెడ్ గానూ అనిపిస్తాయి. అసలు కథను యుద్ధ సన్నివేశాలు డామినేట్ చేసినట్లు అనిపిస్తుంది. చూసేవాళ్లకు శాతకర్ణి యుద్ధ పిపాసి లాగా.. అధికార దాహంతో తపించిపోయేవాడిలాగా కనిపిస్తాడు. సినిమా చూస్తున్నంతసేపూ ప్రేక్షకులకు కూడా అదే భావన కలుగుతుంది. ఎందుకంటే 2 గంటల 15 నిమిషాల నిడివిలో చాలా వరకు యుద్ధాలే కనిపిస్తాయి. సినిమా చూశాక పోరాట దృశ్యాలే కళ్లముందు కదలాడుతాయి. ఐతే నెమ్మదిగా ఆలోచిస్తే ‘గౌతమీపుత్ర శాతకర్ణి’ అసలు ఉద్దేశం అర్థమవుతుంది. ఈ కథతో అంతర్లీనంగా క్రిష్ ఏం చెప్పాలనుకుంటున్నాడో తెలుస్తుంది. ఎంత చారిత్రక కథ అయినా.. కమర్షియల్ లెక్కలు వేసుకుంటారు మన దర్శకులు. కానీ క్రిష్ అలా ఆలోచించలేదు. కథను చెప్పే విషయంలో రాజీ పడలేదు. సిన్సియర్ గా.. ఎక్కడా డీవియేట్ కాకుండా తానేం చెప్పాలనుకున్నాడు అది చెప్పాడు. ఏదీ విడమరిచి.. వివరించి చూపించలేదు క్రిష్. కానీ అంతర్లీనంగా అతను చెప్పిన కథలో ఎంతో విషయం ఉంది. నెమ్మదిగా సినిమా సింక్ అయ్యాక ఆ విషయాలన్నీ అర్థమవుతాయి.
మామూలుగా బాలయ్య సినిమాల నుంచి ఆయన మాస్ అభిమానులు ఆశించే వినోదం ‘గౌతమీపుత్ర శాతకర్ణి’లో తక్కువే కానీ.. ఇందులోనూ గూస్ బంప్స్ మూమెంట్స్ కు ఢోకా లేదు. యుద్ధంలో తన చేతిలో ఓడిపోయాక శత్రు రాజు వచ్చి తల వంచుతాడు. వెంటనే శాతకర్ణి.. ‘‘తల వంచకు. అది నేను గెలిచిన తల’’ అంటాడు. ఇంతకంటే రోమాలు నిక్కబొడుచుకునే సన్నివేశం ఏముంటుంది? ప్రమాణాల పరంగా.. ‘గౌతమీపుత్ర శాతకర్ణి’ ఉన్నతమైన స్థానంలోనే ఉంటుంది కానీ.. ఇప్పుడిప్పుడే అభిరుచి మార్చుకుంటున్న సగటు తెలుగు ప్రేక్షకుడు ఈ సినిమాను ఎలా రిసీవ్ చేసుకుంటాడో అన్న సందేహాలూ లేకపోలేదు. కమర్షియల్ గా ఇది ఏ స్థాయి విజయం సాధిస్తుందో చెప్పలేం. చరిత్రను ఉన్నదున్నట్లు చూపించాడా.. వక్రీకరించాడా అన్నది నిపుణులు తేల్చాలి. ఐతే ‘గౌతమీపుత్ర శాతకర్ణి’ చూశాక మాత్రం శాతకర్ణి గొప్పగా అనిపిస్తాడు. క్రిష్.. బాలయ్య ఇద్దరూ కలిసి ‘శాతకర్ణి’కి అంత ఉన్నతమైన స్థానం కట్టబెట్టారు. కచ్చితంగా ఇది తెలుగువారు గర్వించదగ్గ చిత్రమే.
నటీనటులు:
‘గౌతమీపుత్ర శాతకర్ణి’ మొదలైనప్పటి నుంచి బయట కూడా తాను నిజంగానే శాతకర్ణిని అన్నట్లు ప్రవర్తించిన బాలయ్యను చూసి కొంతమందికి తమాషాగా అనిపించి ఉండొచ్చేమో కానీ.. ఆయన ఈ పాత్రను ఎంతగా ఓన్ చేసున్నారో.. ఎంతగా ఆ పాత్రలో లీనమయ్యారో సినిమా చూస్తే కానీ అర్థమవదు. శాతకర్ణిగా బాలయ్య అభినయం గురించి ఎంత చెప్పినా తక్కువే. అద్భుతమైన వాచకం.. హావభావాలతో శాతకర్ణి పాత్రను గొప్పగా పండించాడు బాలయ్య. ఆయన కెరీర్లో ఇది ది బెస్ట్ పెర్ఫామెన్స్ అని నిస్సందేహంగా చెప్పేయొచ్చు. నటనలో మాత్రం ఎక్కడా ఒక చిన్న సన్నివేశంలోనూ బాలయ్యకు వంకలు పెట్టడానికి లేదు. పాత్రకు తగ్గ రౌద్రం.. వాచకంతో తిరుగులేని రీతిలో నటించాడు బాలయ్య. ఫలానా సన్నివేశం అని కాదు.. సినిమా అంతటా బాలయ్య అద్భుత అభినయాన్ని ప్రదర్శించారు. క్రిష్ అన్నట్లుగా శాతకర్ణి పాత్రను బాలయ్య మాత్రమే చేయగలడు అనిపించాడు. సాయిమాధవ్ బుర్రా మాటల్ని పలికిన విధానానికి బాలయ్యకు హ్యాట్సాఫ్ చెప్పాలి.
సినిమాలో మిగతా నటీనటులందరూ కూడా బాగా నటించారు. హేమమాలిని.. శ్రియలకు స్క్రీన్ ప్రెజెన్స్ తక్కువే అయినా ఉన్నంతసేపూ సినిమా స్థాయికి తగ్గట్లుగా గొప్పగా నటించారు. తనలో ఎంత మంచి నటి ఉందో ఈ సినిమాతో శ్రియ చూపించింది. భర్త కోసం కొడుకును కోల్పోతానేమో అన్న సంఘర్షణకు గురయ్యే సన్నివేశాల్లో శ్రియ నటన కట్టిపడేస్తుంది. హేమమాలిని కూడా పాత్ర స్థాయికి తగ్గట్లుగా నటించింది. కబీర్ బేడికి పెద్దగా అవకాశం దక్కలేదు. మిలింద్ గుణాజీ ఆకట్టుకున్నాడు. మిగతా వాళ్లందరూ కూడా బాగానే చేశారు.
సాంకేతిక వర్గం:
టెక్నీషియన్స్ అందరూ కూడా సినిమా స్థాయికి తగ్గట్లే పనితనం చూపించారు. చిరంతన్ బట్ నేపథ్య సంగీతం అద్భుత: అనిపిస్తుంది. తొలి యుద్ధ సన్నివేశంలోనే బ్యాగ్రౌండ్ స్కోర్ రోమాలు నిక్కబొడుచుకునేలా చేస్తుంది. రెండో యుద్ధం శాతకర్ణి సేనలు కుంగుబాటుకు గురైన సందర్భంలో వచ్చే నేపథ్య సంగీతం చిరంతన్ స్థాయిని తెలియజేస్తుంది. సినిమా అంతటా కూడా నేపథ్య సంగీతం గొప్ప అనుభూతిని కలిగిస్తుంది. సాహో సార్వభౌమ.. మృగనయనా లాంటి పాటలు కూడా బాగున్నాయి. మొత్తంగా చిరంతన్ సంగీతం సినిమాకు పెద్ద ప్లస్ పాయింట్ అయింది. జ్నానశేఖర్ ఛాయాగ్రహణం కూడా గొప్పగా సాగింది. సినిమా నేపథ్యం.. అప్పటి కాలాన్ని దృష్టిలో ఉంచుకుని జ్నానవేఖర్ కొంచెం డల్ లైటింగ్ ఉండేలా చూసుకోవడంలోనూ అతను పెట్టిన ప్రత్యేక శ్రద్ధ అర్థమవుతుంది. బడ్జెట్ పరిమితులున్నప్పటికీ యుద్ధ సన్నివేశాల్ని ఉన్నంతలో గొప్ప ప్రమాణాలతో తెరకెక్కించాడు జ్నానశేఖర్. వీఎఫెక్స్ తో ముడిపడని ప్రతి సన్నివేశంలోనూ జ్నానశేఖర్ ప్రతిభ కనిపిస్తుంది.
సాయిమాధవ్ బుర్రా తన కలం పదునేంటో చూపించాడు. అద్భుతమైన మాటలు రాశాడు. సాయిమాధవ్ తప్ప ఇంకెవరూ ఇలాంటి మాటలు రాయలేడేమో అనిపించాడు. ‘‘కాలం చేసైనా కాలాన్ని కందాం’’ అనే ఒక చిన్న డైలాగ్ చాలు సినిమాలో సాయిమాధవ్ మాటలు ఎంత ప్రత్యేకంగా ఉన్నాయో చెప్పడానికి. వారెవా అనిపించే ఇలాంటి మాటలు సినిమాలో చాలా ఉన్నాయి. ఐతే మాటల విషయంలో కొన్ని చోట్ల నిలకడ తప్పింది. కొన్ని చోట్ల ఫక్తు గ్రాంథికం మాటలు వినిపిస్తాయి. కొన్ని చోట్ల ఇప్పటి తరహాలో మామూలు మాటలు ఉంటాయి. ఈ విషయంలో కన్సిస్టెన్సీ ఉండేలా చూసుకోవాల్సింది. ఈ లోపాన్ని పక్కబెడితే సాయిమాధవ్ బుర్రా తన మాటలతో సినిమాకు పెద్ద బలంగా నిలిచాడు.
‘బాహుబలి’ చూసిన కళ్లతో చూస్తే ఇందులోని విజువల్ ఎఫెక్ట్స్ అంత గొప్పగా అనిపించవు. వాటిని సాధ్యమైనంత పరిమితం చేసే ప్రయత్నం చేశాడు క్రిష్. ఫైట్ మాస్టర్లు.. ఆర్ట్ డైరెక్టర్ కృషి గురించి కూడా ప్రత్యేకంగా ప్రస్తావించాలి. దర్శకుడిగా.. నిర్మాతగా క్రిష్ చేసిన సాహసం గురించి.. అతడి పనితనం గురించి ఎంత చెప్పినా తక్కువే. సినిమాలో ప్రతి సన్నివేశంలోనూ అతడి ముద్ర కనిపిస్తుంది. ఇలాంటి భారీ చారిత్రక కథను ఈ స్థాయిలో చెప్పగలిగే నైపుణ్యం.. ఇంత వేగంగా పూర్తి చేయగలిగే పనితనం ఎలా సంపాదించాడో అని ఆశ్చర్యం కలిగేలా క్రిష్ అబ్బురపరిచాడు. కంటెంట్ పరంగా ‘గౌతమీపుత్ర శాతకర్ణి’ని ‘బాహుబలి’ కంటే ఓ మెట్టు పైనే నిలిపాడంటే అతిశయోక్తి కాదు. క్రిష్ కథను చెప్పిన విధానం.. సన్నివేశాల్ని తీర్చిదిద్దిన తీరు.. ఎమోషన్లను పండించిన వైనానికి హ్యాట్సాఫ్ చెప్పాల్సిందే.
చివరగా: గౌతమీపుత్ర శాతకర్ణి.. సాహో క్రిష్.. సాహో బాలయ్య..తెలుగువారు గర్వించదగ్గ చిత్రమే.
రేటింగ్: 3.25/5
Like Us on Facebook : https://www.facebook.com/Tupakidotcom/
Disclaimer : This Review is An Opinion of Review Writer. Please Do Not Judge The Movie Based On This Review And Watch Movie in Theatre
నటీనటులు: నందమూరి బాలకృష్ణ - శ్రియ సరన్ - హేమమాలిని - కబీర్ బేడి - మిలింద్ గుణాజీ - ఫరా కరిమి - తనికెళ్ల భరణి - శుభలేఖ సుధాకర్ తదితరులు
సంగీతం: చిరంతన్ బట్
ఛాయాగ్రహణం: జ్నానశేఖర్
మాటలు: సాయిమాధవ్ బుర్రా
నిర్మాతలు: సాయిబాబా జాగర్లమూడి - రాజీవ్ రెడ్డి
రచన - దర్శకత్వం: క్రిష్
గౌతమీపుత్ర శాతకర్ణి.. తెలుగు పరిశ్రమలో పది నెలలుగా తీవ్ర చర్చనీయాంశమవుతున్న సినిమా. ప్రారంభోత్సవం జరుపుకున్న నాటి నుంచి జనాల్లో విపరీతమైన ఆసక్తి రేకెత్తిస్తూ.. ఎప్పటికప్పుడు కళ్లు చెదిరే ప్రోమోలతో ఆసక్తిని మరింత పెంచుతూ వచ్చిన ఈ చిత్రం ఎట్టకేలకు వెండితెరను తాకింది. మరి నందమూరి బాలకృష్ణ-క్రిష్ కలిసి చేసిన ఈ బృహత్తర ప్రయత్నం ఎలా ఉందో చూద్దాం పదండి.
కథ:
రాజులు.. రాజ్యాలు.. యుద్ధాలకు సంబంధించి అమ్మ చెబుతున్న కథ వింటూ.. ముక్కలు ముక్కలుగా ఉన్న భరత ఖండాన్ని ఏకం చేయాలని చిన్నతనంలోనే దృఢ నిశ్చయానికి వస్తాడు శాతకర్ణి. ఇక రాజ్యాధికారం చేపట్టగానే తన లక్ష్యాన్ని నెరవేర్చుకునే దిశగా అడుగులు వేస్తాడు. ముందు దక్షిణ భారతాన్ని గెలిచి.. ఆపై ఉత్తర భారతంపైకి దండెత్తుతాడు. ఈ క్రమంలో తన కొడుకు ప్రాణాలకే ముప్పు వాటిల్లినా.. తన భార్య నుంచి వ్యతిరేకత ఎదురైనా వెనక్కి తగ్గడు. మొత్తం దేశాన్ని వశం చేసుకున్నాక పరాయి దేశస్థుల నుంచి శాతకర్ణికి సవాలు ఎదురవుతుంది. మరి ఈ సవాలును శాతకర్ణి ఎలా ఛేదించాడు. రణరంగంలో ఎలా విజేతగా నిలిచాడు అన్నది మిగతా కథ.
కథనం-విశ్లేషణ: ‘గౌతమీపుత్ర శాతకర్ణి’ ఆరంభ సన్నివేశంలో ఒక సంభాషణ ఎలా సాగుతుందో చూద్దాం. తన పరాక్రమాన్ని గౌరవించి రాజ్యాన్ని అప్పగించమంటూ శాతకర్ణి పంపిన వర్తమానాన్ని అవతలి రాజుకు అందిస్తాడు దూత. అవతలి రాజుకు పౌరుషం వస్తుంది. దూతను ఉద్దేశించి ‘‘నిన్ను బంధిస్తే’’ అంటాడు అవతలి రాజు. ‘‘వారొస్తారు. నేను కారాగారంలో ఎదురు చూస్తుంటా’’ అని బదులిస్తాడు దూత. వెంటనే ‘‘నిన్ను వధిస్తే’’ అంటూ రెట్టించి అడుగుతాడు అవతలి రాజు. ‘‘మీరొస్తారు. నేను కాటికాడ ఎదురు చూస్తుంటా’’ అంటాడు దూత. ఈ సంభాషణతోనే అర్థమైపోతుంది ‘గౌతమీపుత్ర శాతకర్ణి’ స్థాయి ఏంటో!
ఇది ఏ వర్గం ప్రేక్షకులకు నచ్చుతుంది.. ఎంత వసూలు చేస్తుంది.. ఏ స్థాయి విజయం సాధిస్తుంది.. ‘గౌతమీపుత్ర శాతకర్ణి’ విషయంలో ఇలాంటి లెక్కలన్నీ పక్కనబెట్టేయాలి. చిత్ర బృందం ముందు నుంచి నొక్కి వక్కాణిస్తున్నట్లుగా ఇది తెలుగు వారు గర్వించే చిత్రం అనడంలో సందేహం లేదు. విజువల్ గ్రాండియర్.. ఎఫెక్ట్స్.. నిర్మాణ విలువలు.. లాంటి అంశాల్లో ‘బాహుబలి’ కంటే వెనుక ఉండొచ్చు కానీ.. విషయ ప్రధానంగా చూస్తే మాత్రం ‘బాహుబలి’ కంటే మిన్నగా ‘గౌతమీపుత్ర శాతకర్ణి’ ఉందంటే అతిశయోక్తి లేదు. అంత గొప్పగా.. సిన్సియర్ గా ఈ కథను తెరకెక్కించాడు క్రిష్. శాతకర్ణి పాత్రకు తాను తప్ప ఇంకెవరూ ఊహలోకి కూడా రాని స్థాయిలో అద్భుత అభినయం ప్రదర్శించాడు బాలకృష్ణ. ఈ ఇద్దరూ కలిసి చేసిన మహా ప్రయత్నానికి హ్యాట్సాఫ్ చెప్పాల్సిందే.
గొప్ప చరిత్ర.. నేపథ్యం ఉన్న శాతకర్ణి కథను రెండుం పావు గంటల్లో క్రిష్ ఎలా చెప్పాడా అని సందేహం కలగొచ్చు. ఐతే శాతకర్ణి కథ అనగానే పుట్టుక.. బాల్యం.. యవ్వనం.. రాజుగా ఆధిపత్యం.. చరమాంకం అంటూ చాలా అధ్యాయాలు చూపించే ప్రయత్నం చేయకుండా కేవలం అతడి లక్ష్యం.. ఆ దిశగా పోరాటం.. ఈ నేపథ్యంలోనే కథను నడిపించాడు క్రిష్. ఈ విషయంలో అతడికి ఎంత స్పష్టత ఉందో ప్రతి సన్నివేశంలోనూ కనిపిస్తుంది. నేరుగా దక్షిణ భారతాన్ని గుప్పెట్లోకి తెచ్చుకునే ఘట్టంతోనే శాతకర్ణి పరిచయ దృశ్యాన్ని ఆవిష్కరించాడు క్రిష్. ఆ తర్వాత మొత్తం భారతాన్ని తన చేతుల్లోకి తెచ్చుకోవడం.. చివరగా పరదేశీయులతో పోరాడి గెలవడంతో కథ ముగిసిపోతుంది. ఈ మధ్యలో సొంత కొడుకునే రణరంగంలోకి తీసుకెళ్లడం.. భార్యే శాతకర్ణితో తీవ్రంగా విభేదించడం.. ఈ నేపథ్యంలో భావోద్వేగాల నడుమ కథ నడుస్తుంది. సినిమాలో ప్రతి సన్నివేశం కూడా శాతకర్ణి లక్ష్యంతో ముడిపడే ఉంటాయి. దాన్నుంచి క్రిష్ ఎక్కడా డీవియేట్ కాలేదు.
శాతకర్ణికి యుద్ధ సన్నివేశాలే బలం.. బలహీనత. తనకున్న బడ్జెట్ పరిమితుల్లోనే ఆ సన్నివేశాల్ని అద్భుతంగా తీర్చిదిద్దాడు క్రిష్. ‘బాహుబలి’లో లాగా కళ్లు చెదిరిపోయేలా చేయకున్నా.. ఈ సన్నివేశాలు ఉన్నత ప్రమాణాలతోనే ఉండి మెప్పిస్తాయి. కానీ సినిమాలో సగానికి పైగా నిడివి యుద్ధ సన్నివేశాలతోనే నిండిపోవడంతో ఓ దశలో మొహం మొత్తేసిన భావనా కలుగుతుంది. కొన్ని సన్నివేశాలు రిపీటెడ్ గానూ అనిపిస్తాయి. అసలు కథను యుద్ధ సన్నివేశాలు డామినేట్ చేసినట్లు అనిపిస్తుంది. చూసేవాళ్లకు శాతకర్ణి యుద్ధ పిపాసి లాగా.. అధికార దాహంతో తపించిపోయేవాడిలాగా కనిపిస్తాడు. సినిమా చూస్తున్నంతసేపూ ప్రేక్షకులకు కూడా అదే భావన కలుగుతుంది. ఎందుకంటే 2 గంటల 15 నిమిషాల నిడివిలో చాలా వరకు యుద్ధాలే కనిపిస్తాయి. సినిమా చూశాక పోరాట దృశ్యాలే కళ్లముందు కదలాడుతాయి. ఐతే నెమ్మదిగా ఆలోచిస్తే ‘గౌతమీపుత్ర శాతకర్ణి’ అసలు ఉద్దేశం అర్థమవుతుంది. ఈ కథతో అంతర్లీనంగా క్రిష్ ఏం చెప్పాలనుకుంటున్నాడో తెలుస్తుంది. ఎంత చారిత్రక కథ అయినా.. కమర్షియల్ లెక్కలు వేసుకుంటారు మన దర్శకులు. కానీ క్రిష్ అలా ఆలోచించలేదు. కథను చెప్పే విషయంలో రాజీ పడలేదు. సిన్సియర్ గా.. ఎక్కడా డీవియేట్ కాకుండా తానేం చెప్పాలనుకున్నాడు అది చెప్పాడు. ఏదీ విడమరిచి.. వివరించి చూపించలేదు క్రిష్. కానీ అంతర్లీనంగా అతను చెప్పిన కథలో ఎంతో విషయం ఉంది. నెమ్మదిగా సినిమా సింక్ అయ్యాక ఆ విషయాలన్నీ అర్థమవుతాయి.
మామూలుగా బాలయ్య సినిమాల నుంచి ఆయన మాస్ అభిమానులు ఆశించే వినోదం ‘గౌతమీపుత్ర శాతకర్ణి’లో తక్కువే కానీ.. ఇందులోనూ గూస్ బంప్స్ మూమెంట్స్ కు ఢోకా లేదు. యుద్ధంలో తన చేతిలో ఓడిపోయాక శత్రు రాజు వచ్చి తల వంచుతాడు. వెంటనే శాతకర్ణి.. ‘‘తల వంచకు. అది నేను గెలిచిన తల’’ అంటాడు. ఇంతకంటే రోమాలు నిక్కబొడుచుకునే సన్నివేశం ఏముంటుంది? ప్రమాణాల పరంగా.. ‘గౌతమీపుత్ర శాతకర్ణి’ ఉన్నతమైన స్థానంలోనే ఉంటుంది కానీ.. ఇప్పుడిప్పుడే అభిరుచి మార్చుకుంటున్న సగటు తెలుగు ప్రేక్షకుడు ఈ సినిమాను ఎలా రిసీవ్ చేసుకుంటాడో అన్న సందేహాలూ లేకపోలేదు. కమర్షియల్ గా ఇది ఏ స్థాయి విజయం సాధిస్తుందో చెప్పలేం. చరిత్రను ఉన్నదున్నట్లు చూపించాడా.. వక్రీకరించాడా అన్నది నిపుణులు తేల్చాలి. ఐతే ‘గౌతమీపుత్ర శాతకర్ణి’ చూశాక మాత్రం శాతకర్ణి గొప్పగా అనిపిస్తాడు. క్రిష్.. బాలయ్య ఇద్దరూ కలిసి ‘శాతకర్ణి’కి అంత ఉన్నతమైన స్థానం కట్టబెట్టారు. కచ్చితంగా ఇది తెలుగువారు గర్వించదగ్గ చిత్రమే.
నటీనటులు:
‘గౌతమీపుత్ర శాతకర్ణి’ మొదలైనప్పటి నుంచి బయట కూడా తాను నిజంగానే శాతకర్ణిని అన్నట్లు ప్రవర్తించిన బాలయ్యను చూసి కొంతమందికి తమాషాగా అనిపించి ఉండొచ్చేమో కానీ.. ఆయన ఈ పాత్రను ఎంతగా ఓన్ చేసున్నారో.. ఎంతగా ఆ పాత్రలో లీనమయ్యారో సినిమా చూస్తే కానీ అర్థమవదు. శాతకర్ణిగా బాలయ్య అభినయం గురించి ఎంత చెప్పినా తక్కువే. అద్భుతమైన వాచకం.. హావభావాలతో శాతకర్ణి పాత్రను గొప్పగా పండించాడు బాలయ్య. ఆయన కెరీర్లో ఇది ది బెస్ట్ పెర్ఫామెన్స్ అని నిస్సందేహంగా చెప్పేయొచ్చు. నటనలో మాత్రం ఎక్కడా ఒక చిన్న సన్నివేశంలోనూ బాలయ్యకు వంకలు పెట్టడానికి లేదు. పాత్రకు తగ్గ రౌద్రం.. వాచకంతో తిరుగులేని రీతిలో నటించాడు బాలయ్య. ఫలానా సన్నివేశం అని కాదు.. సినిమా అంతటా బాలయ్య అద్భుత అభినయాన్ని ప్రదర్శించారు. క్రిష్ అన్నట్లుగా శాతకర్ణి పాత్రను బాలయ్య మాత్రమే చేయగలడు అనిపించాడు. సాయిమాధవ్ బుర్రా మాటల్ని పలికిన విధానానికి బాలయ్యకు హ్యాట్సాఫ్ చెప్పాలి.
సినిమాలో మిగతా నటీనటులందరూ కూడా బాగా నటించారు. హేమమాలిని.. శ్రియలకు స్క్రీన్ ప్రెజెన్స్ తక్కువే అయినా ఉన్నంతసేపూ సినిమా స్థాయికి తగ్గట్లుగా గొప్పగా నటించారు. తనలో ఎంత మంచి నటి ఉందో ఈ సినిమాతో శ్రియ చూపించింది. భర్త కోసం కొడుకును కోల్పోతానేమో అన్న సంఘర్షణకు గురయ్యే సన్నివేశాల్లో శ్రియ నటన కట్టిపడేస్తుంది. హేమమాలిని కూడా పాత్ర స్థాయికి తగ్గట్లుగా నటించింది. కబీర్ బేడికి పెద్దగా అవకాశం దక్కలేదు. మిలింద్ గుణాజీ ఆకట్టుకున్నాడు. మిగతా వాళ్లందరూ కూడా బాగానే చేశారు.
సాంకేతిక వర్గం:
టెక్నీషియన్స్ అందరూ కూడా సినిమా స్థాయికి తగ్గట్లే పనితనం చూపించారు. చిరంతన్ బట్ నేపథ్య సంగీతం అద్భుత: అనిపిస్తుంది. తొలి యుద్ధ సన్నివేశంలోనే బ్యాగ్రౌండ్ స్కోర్ రోమాలు నిక్కబొడుచుకునేలా చేస్తుంది. రెండో యుద్ధం శాతకర్ణి సేనలు కుంగుబాటుకు గురైన సందర్భంలో వచ్చే నేపథ్య సంగీతం చిరంతన్ స్థాయిని తెలియజేస్తుంది. సినిమా అంతటా కూడా నేపథ్య సంగీతం గొప్ప అనుభూతిని కలిగిస్తుంది. సాహో సార్వభౌమ.. మృగనయనా లాంటి పాటలు కూడా బాగున్నాయి. మొత్తంగా చిరంతన్ సంగీతం సినిమాకు పెద్ద ప్లస్ పాయింట్ అయింది. జ్నానశేఖర్ ఛాయాగ్రహణం కూడా గొప్పగా సాగింది. సినిమా నేపథ్యం.. అప్పటి కాలాన్ని దృష్టిలో ఉంచుకుని జ్నానవేఖర్ కొంచెం డల్ లైటింగ్ ఉండేలా చూసుకోవడంలోనూ అతను పెట్టిన ప్రత్యేక శ్రద్ధ అర్థమవుతుంది. బడ్జెట్ పరిమితులున్నప్పటికీ యుద్ధ సన్నివేశాల్ని ఉన్నంతలో గొప్ప ప్రమాణాలతో తెరకెక్కించాడు జ్నానశేఖర్. వీఎఫెక్స్ తో ముడిపడని ప్రతి సన్నివేశంలోనూ జ్నానశేఖర్ ప్రతిభ కనిపిస్తుంది.
సాయిమాధవ్ బుర్రా తన కలం పదునేంటో చూపించాడు. అద్భుతమైన మాటలు రాశాడు. సాయిమాధవ్ తప్ప ఇంకెవరూ ఇలాంటి మాటలు రాయలేడేమో అనిపించాడు. ‘‘కాలం చేసైనా కాలాన్ని కందాం’’ అనే ఒక చిన్న డైలాగ్ చాలు సినిమాలో సాయిమాధవ్ మాటలు ఎంత ప్రత్యేకంగా ఉన్నాయో చెప్పడానికి. వారెవా అనిపించే ఇలాంటి మాటలు సినిమాలో చాలా ఉన్నాయి. ఐతే మాటల విషయంలో కొన్ని చోట్ల నిలకడ తప్పింది. కొన్ని చోట్ల ఫక్తు గ్రాంథికం మాటలు వినిపిస్తాయి. కొన్ని చోట్ల ఇప్పటి తరహాలో మామూలు మాటలు ఉంటాయి. ఈ విషయంలో కన్సిస్టెన్సీ ఉండేలా చూసుకోవాల్సింది. ఈ లోపాన్ని పక్కబెడితే సాయిమాధవ్ బుర్రా తన మాటలతో సినిమాకు పెద్ద బలంగా నిలిచాడు.
‘బాహుబలి’ చూసిన కళ్లతో చూస్తే ఇందులోని విజువల్ ఎఫెక్ట్స్ అంత గొప్పగా అనిపించవు. వాటిని సాధ్యమైనంత పరిమితం చేసే ప్రయత్నం చేశాడు క్రిష్. ఫైట్ మాస్టర్లు.. ఆర్ట్ డైరెక్టర్ కృషి గురించి కూడా ప్రత్యేకంగా ప్రస్తావించాలి. దర్శకుడిగా.. నిర్మాతగా క్రిష్ చేసిన సాహసం గురించి.. అతడి పనితనం గురించి ఎంత చెప్పినా తక్కువే. సినిమాలో ప్రతి సన్నివేశంలోనూ అతడి ముద్ర కనిపిస్తుంది. ఇలాంటి భారీ చారిత్రక కథను ఈ స్థాయిలో చెప్పగలిగే నైపుణ్యం.. ఇంత వేగంగా పూర్తి చేయగలిగే పనితనం ఎలా సంపాదించాడో అని ఆశ్చర్యం కలిగేలా క్రిష్ అబ్బురపరిచాడు. కంటెంట్ పరంగా ‘గౌతమీపుత్ర శాతకర్ణి’ని ‘బాహుబలి’ కంటే ఓ మెట్టు పైనే నిలిపాడంటే అతిశయోక్తి కాదు. క్రిష్ కథను చెప్పిన విధానం.. సన్నివేశాల్ని తీర్చిదిద్దిన తీరు.. ఎమోషన్లను పండించిన వైనానికి హ్యాట్సాఫ్ చెప్పాల్సిందే.
చివరగా: గౌతమీపుత్ర శాతకర్ణి.. సాహో క్రిష్.. సాహో బాలయ్య..తెలుగువారు గర్వించదగ్గ చిత్రమే.
రేటింగ్: 3.25/5
Like Us on Facebook : https://www.facebook.com/Tupakidotcom/
Disclaimer : This Review is An Opinion of Review Writer. Please Do Not Judge The Movie Based On This Review And Watch Movie in Theatre
