జూన్ 6 నుండి మెగా రచ్చ షురూ..

ఎప్పుడెప్పుడా అని ఎదురుచూస్తున్న సమయం రానే వచ్చింది. మెగాస్టార్ 150వ సినిమా లాంచనంగా ప్రారంభమైనా మొదటి షెడ్యూల్ వివరాలు ఇప్పటివరకూ ప్రకటించలేదు. అయితే సినిమాకు సంబంధించిన కొన్ని కీలక వివరాలు ఇప్పుడు బయటకు వచ్చాయి.

వచ్చే నెల 6వ తెదినుండి ఈ సినిమా మొదటి షెడ్యూల్ ని ప్లాన్ చేసినట్టు సమాచారం. తన రీ ఎంట్రీకి ఇప్పుడు చిరు ఫిట్ గా వున్నట్టు ఆయన విశ్వాసం. అంతేకాక ఈ సినిమాలో అనుష్క హీరోయిన్ గా కనిపించనున్నట్టు విశ్వసనీయ సమాచారం.

అనుకున్న వ్యవధిలో ఈ చిత్రాన్ని పూర్తిచేసి వచ్చే ఏడాది జనవరిలో సినిమాను విడుదల చెయ్యాలని చిత్ర బృందం భావిస్తుంది. దేవిశ్రీ ప్రసాద్ తో చిరు ఇప్పటికే మ్యూజిక్ సిట్టింగ్స్ లో పాల్గున్న సంగతి తెలిసినదే. ఈ సినిమా తమిళ సూపర్ హిట్ కత్తికి రీమేక్ గా తెరకెక్కనుంది.