చక్కని పిల్లా.. అంటున్న ప్రభుదేవా

ప్రభుదేవా.. తమన్నా హీరో హీరోయిన్లుగా తెరకెక్కిన 'అభినేత్రి 2' మే 31 న ప్రేక్షకుల ముందుకు రానున్న సంగతి తెలిసిందే. తమిళ దర్శకుడు విజయ్ రూపొందించిన ఈ చిత్రాన్ని ట్రైడెంట్ ఆర్ట్స్.. అభిషేక్ పిక్చర్స్ వారు సంయుక్తంగా నిర్మించారు. సినిమా రిలీజ్ కు తక్కువ సమయం ఉండడంతో ప్రమోషన్స్ జోరుగా సాగుతున్నాయి. ఈ ప్రమోషన్స్ లో భాగంగా కొద్ధిరోజుల క్రితం 'రెడీ రెడీ' అంటూ సాగే ఒక వీడియో సాంగ్ ను రిలీజ్ చేశారు. తాజాగా ఈ సినిమా నుండి 'చక్కని పిల్లా' అనే మరో లిరికల్ సాంగ్ ను విడుదల చేశారు.

ఈ పాటకు సాహిత్యం అందించిన వారు వనమాలి. "చక్కని పిల్లా చక్కర బిళ్లా చిక్కని సోకుతో చంపొద్దే.." అంటూ లిరిక్స్ ఫన్నీగా సాగాయి. ఈ పాట పాడినవారు దివాకర్. ఈ పాటలో ప్రభుదేవా హీరోయిన్ నందితా శ్వేత వెంట పడుతో ఉండడం ఇంట్రెస్టింగ్ గా ఉంది. భార్యగా తమన్నా ఉండగా ప్రభుదేవా ఎందుకు ఈ రెండో హీరోయిన్ వెనక పడుతున్నాడో ఏంటో సినిమా చూస్తే కానీ మనకు తెలిసేలా లేదు.