బోయపాటికి అగ్ని పరీక్షే

గతేడాది స్టైలిష్ స్టార్ తో సరైనోడు అంటూ ఇండస్ట్రీ హిట్ కొట్టిన బోయపాటి శ్రీను.. తన తర్వాతి చిత్రాన్ని బెల్లంకొండ శ్రీనివాస్ తో చేస్తున్న సంగతి తెలిసిందే. సుదీర్ఘ కాలంపాటు ప్రీ ప్రొడక్షన్ కే కేటాయించి మరీ.. ప్రెస్టీజియస్ గా ఈ మూవీని రూపొందిస్తున్నాడు బోయపాటి.

ఇప్పటికే ఈ మూవీ షూటింగ్ పూర్తయిపోగా.. ఇప్పుడు పోస్ట్ ప్రొడక్షన్ పనులు కూడా మొదలుపెట్టేశారు. ఇంకా టైటిల్ డిసైడ్ చేయని ఈ చిత్రాన్ని జూలై 7న విడుదల చేసేందుకు వీలుగా ప్లాన్ చేసుకుంటున్నాడు దర్శకుడు. రకుల్ ప్రీత్ సింగ్.. ప్రగ్యా జైస్వాల్ లు హీరోయిన్స్ గా నటించగా.. కేథరిన్ థ్రెసా ఓ ఐటెం సాంగ్ లో మెరవనుంది. జగపతి బాబు నెగిటివ్ రోల్ లో నటిస్తున్న ఈ మూవీలో వాణీ విశ్వనాథ్.. సితార వంటి సీనియర్ నటీమణులు కూడా ఉన్నారు. ఈ మూవీతో సక్సెస్ సాధించాలనే ప్రెజర్ బోయపాటిపై బాగానే ఉంది.

పైగా పెద్ద చిత్రాల మధ్యలో వస్తుండడంతో.. మూవీలో కంటెంట్ చాలా స్ట్రాంగ్ గా ఉండాల్సి ఉంటుంది. ఈ సినిమాకి ముందు బన్నీ డీజే.. వెనక మహేష్ స్పైడర్ లు షెడ్యూల్ అయి ఉన్నాయంటే.. బెల్లంకొండ సినిమాపై ఎంతటి ఒత్తిడి ఉంటుందో అర్ధమవుతుంది. ప్రస్తుతం ఈ సినిమాకి డబ్బింగ్ పనులు మొదలయినట్లు తెలుస్తోంది.

Like Us on Facebook : https://www.facebook.com/Tupakidotcom/