బాహుబలి 2 ప్రెస్ మీట్.. అందుకోసమేనా?

ఉన్నట్లుండి ప్రెస్ మీట్లు పెట్టడం.. హడావుడి చేయడం.. వంటి వాటి గురించి రాజమౌళి చాలా కేర్‌ఫుల్ గా ఉంటాడు. మనోడు తన సినిమా పూర్తయ్యాకనే రిలీజ్ డేట్ గురించి చెబుతూ ఒక ప్రెస్ మీట్ పెడతాడు. ఇప్పుడు బాహుబలి 2 రిలీజ్ డేట్ ఎలాగో ఏప్రియల్ లో కాబట్టి.. అప్పుడే రాజమౌళి ఎటువంటి ప్రెస్ మీట్లు పెట్టే ఛాన్సేలేదు. కాకపోతే రేపు సాయంత్రం మనోడు మీటింగ్ అంటూ కబురంపాడండోయ్.

శుక్రవారం సాయంత్రం 6.30 కు రాజమౌళి - ప్రభాస్ అండ్ ప్రొడ్యూసర్లు మీడియాతో మాట్లాడతాం అంటూ ప్రెస్ నోట్లు పంపారు. ఇంతకీ ఈ ప్రెస్ మీట్ ఎందుకు అనే సందేహమే ఇప్పుడు చాలామందికి వస్తుంది. ఓకె షూటింగ్ అయిపోయింది.. పోస్ట్ ప్రొడక్షన్ పనులు జరుగుతున్నాయి.. ఇలాంటి క్లారిటీ ఇవ్వడానికేనా? అయితే అవ్వొచ్చు. కాకపోతే మీడియా వారికి వచ్చిన సందేహం ఏంటంటే.. ఆల్రెడీ బాహుబలి 2 రిలీజ్ డేట్ ఏప్రియల్ 28 అని రూమర్లు బయటకొచ్చాక.. అదే తేదీన మహేష్‌ అండ్ మురుగుదాస్ ఫిలిం కూడా రిలీజ్ అన్నారు. ఒకవేళ ముందుగానే తమ రిలీజ్ స్లాటును కన్ఫామ్ చేస్తే మహేష్‌ కొత్త డేట్ వెతుక్కుంటాడని బాహుబలి 2 టీమ్ భావిస్తోందా? అందుకే ఇలా ప్రెస్ మీట్ పెడుతున్నారా?

ఏదేమైనా కూడా చాలారోజుల తరువాత రాజమౌళి మళ్లీ మీడియాను కలుస్తున్నాడు కాబట్టి.. అందరికీ ఎక్సయిటింగ్ గానే ఉంది. రొటీన్ గా బాహుబలిని కట్టప్ప ఎందుకు చంపాడు అని అడగకండి గురూ.