అప్పుడు తిట్టారు కానీ.. అనసూయ రైటే

సినిమా టీజర్ లో పెద్ద బూతు పదం వాడడం.. అర్జున్ రెడ్డి మూవీ విషయంలో జరిగింది. అప్పుడు ఈ అంశంపై హాట్ యాంకర్ అనసూయ తన విచారాన్ని వ్యక్తం చేసింది. టీజర్ లో వినిపించడమే కాకుండా.. అలాగే ఆడియో ఫంక్షన్ లో కుర్రాళ్లతో అదే మాటను హీరో విజయ్ దేవరకొండ అనిపించడాన్ని ఖండించింది.

ఆ సమయంలో అర్జున్ రెడ్డి మేనియాలో ఉన్న టాలీవుడ్ ప్రేక్షకులకు.. ఆ పదం ప్రభావం అప్పుడు అర్ధం కాలేదు. కానీ ఇప్పుడు పవన్ కళ్యాణ్ లాంటి స్టార్ హీరో.. నెమ్మదిగా వ్యవహరించాలన్న తన పంథాను ఒక్కసారిగా మార్చుకోవడానికి.. ఆ సినిమాలో ఉపయోగించిన ఆ ఒక్క పదమే కారణం అయింది. అలాగే రాంగోపాల్ వర్మ లాంటి బడా దర్శకుడు.. ఆ పదం ఉపయోగించి పవన్ ను తిట్టమని.. ఓ చిన్నస్థాయి నటిని ప్రోత్సహించి.. ప్రేరేపించాడంటే.. కేవలం సామాన్యులనే కాదు సెలబ్రిటీలను ఈ బూతు అంతగా అట్రాక్ట్ చేసిందని అనిపిస్తుంది.

తన వలువలను నడి రోడ్డుపై విప్పదీసుకుని మరీ క్యాస్టింగ్ కౌచ్ గురించి పోరాటం చేస్తున్న శ్రీరెడ్డి.. తను తెచ్చుకున్న మొత్తం అటెన్షన్ ను పోగొట్టుకోవడానికి ఈ ఒక్క పదమే కారణం అయింది. అమ్మను తిట్టే విధంగా ఉన్న ఈ బూతుకు అంతగా ప్రచారం కల్పించడం కరెక్ట్ కాదని.. అనసూయ అప్పుడు చెబితే.. అందరూ హేళన చేశారు. కానీ ఇప్పుడు సిట్యుయేషన్ చూస్తే.. ఆనాడు అనసూయ ఎందుకంత బాధ పడిందో అర్ధం అవుతుంది.