షార్ట్ ఫిలిం డైరెక్టర్ గా నాని సిస్టర్

న్యాచురల్ స్టార్ నాని నిన్న సాయంత్రం ఒక తన సోషల్ మీడియా ఖాతా ద్వారా 'అనగనగా ఒక నాన్న' అనే ఒక పోస్టర్ ను షేర్ చేస్తూ ఒక ప్రకటన చేశాడు. "రేపు సాయంత్రం 6 గంటలకు ఈ సూపర్ స్వీట్ షార్ట్ ఫిలిం మీ ముందుకు రానుంది. దీప్తి గంటా అంటే నా సిస్టర్ కదా? రచన.. దర్శకత్వం అని ఉంది ఏంటి? ఈ ట్విస్ట్ ఏంటో రేపు చూద్దాం" అంటూ ట్వీట్ చేశాడు.

పోస్టర్ లో క్యూట్ గా కనిపించే ఒక అమ్మాయి నోట్ బుక్ ముందు పెట్టుకొని చదువుతూ ఉంది. షార్ట్ ఫిలిం టైటిల్ ను బట్టి చూస్తే ఇది నాన్న- కూతురు మధ్య జరిగే ఒక బ్యూటిఫుల్ స్టొరీలా అనిపిస్తోంది. ఈరోజు ప్రపంచవ్యాప్తంగా ఫాదర్స్ డే జరుపుకుంటున్నారు కాబట్టి ఈ థీమ్ తో రూపొందించిన షార్ట్ ఫిలిం ను ప్రేక్షకుల ముందుకు తీసుకురావడం పర్ఫెక్ట్ టైమింగ్. మరి నాని సోదరి మొదటిసారిగా కథ రాసి.. దర్శకత్వం వహించిన ఈ షార్ట్ ఫిలిం అందరినీ మెప్పిస్తుందా లేదా అనేది వేచి చూడాలి.

ఇదిలా ఉంటే నాని ఈరోజు ఫాదర్స్ డే సందర్భంగా ఒక ఒక ఫోటో పోస్ట్ చేశాడు. ఈ ఫోటోలో నాని స్మైల్ ఇస్తూ ఉండగా.. నేపథ్యంలో నాని నాన్నగారు నవ్వుతూ ఉన్నారు. ఈ ఫోటోకు "మీరునా వెనకే ఉన్నారు.. హ్యాపీ ఫాదర్స్ డే నాన్నా" అంటూ క్యాప్షన్ ఇచ్చాడు.