నాన్న.. అన్నలకు అఖిల్ ఛాలెంజ్

కొన్నాళ్ల క్రితం ఐస్ బకెట్ ఛాలెంజ్ బాగా వైరల్ అయింది. సెలబ్రిటీలంతా పోటాపోటీగా ఈ ఛాలెంజ్ స్వీకరించారు. లేటెస్ట్ గా ఒలింపిక్ మెడల్ విజేత రాజ్యవర్ధన్ సింగ్ రాథోడ్ ఓ ఛాలెంజ్ స్టార్ట్ చేశారు. హమ్ ఫిట్ తో ఇండియా ఫిట్ హ్యాష్ ట్యాగ్ తో తాను పుషప్స్ చేస్తూ ఫిటెనెస్ ఎలా మెయిన్ టెయిన్ చేస్తున్నానో నెరేట్ చేశారు. ఈ ఛాలెంజ్ కు మొదట నామినేట్ చేసిన వాళ్లలో బాలీవుడ్ స్టార్ హృతిక్ రోషన్ ఉన్నాడు.

హృతిక్ కూడా ఈ ఛాలెంజ్ యాక్సెప్ట్ చేసి తాను ఫిట్ నెస్ ఎలా మెయిన్ టెయిన్ చేస్తాడో చెప్పుకొచ్చాడు. అలా అలా.. ఆ ఛాలెంజ్ ఇప్పుడు అక్కినేని అఖిల్ దాకా వచ్చింది. జిమ్ లో తాను ఏ రేంజిలో వర్కవుట్స్ చేస్తానో వీడియో తీసి ఫేస్ బుక్ లో పెట్టాడు. బాడీ పక్కాగా ఫిట్ ఉండటానికి అఖిల్ చేసే వర్కవుట్స్ చాలా హెవీగానే ఉన్నాయి. అంతటితో సరిపెట్టకుండా ఈ ఛాలెంజ్ కు మరో నలుగురిని నామినేట్ చేశాడు. వాళ్లలో ఇద్దరు అక్కినేని ఫ్యామిలీలోనే ఉండటం విశేషం.